Ussan n imuras di tmurt taqvaylit

TAMURT – Kra n tikelt mara d-aweḍen ussan n imuras, tiftisin n Uẓeffun, Tigzirt, Melbu, Tichy, Vgayet, ad d-mgagin ɣur-sent waɛraven inselmen am uglaf n tzizwa. Akk-a ussan agi, abrid n Uẓeffun ar tama n yillel Ager, ur tezmireḍ ara ad tedduḍ s tkerrust di tama n tuffɣa neɣ n unekcum. Nekk, ayen i yisewhamen, qqareɣ-as : « acuɣer aɛraven-agi izayriyen ttmirin-d _ar teftisin n tmurt taqvaylit ? Ayɣer anect-a, d acu n sebba ?

Ad as-tiniḍ ulac illel di Lzayer tamanaɣt, di Wehran, di Ǧiǧel, di Ɛennaba, atg,… Tawaɣit iɣ-yewten nekni s yeqvayliyen, sik ttawin-aɣ-id yidsen « ajeǧǧiḍ » nni i ten-yeblan, am ddin ineslem asalafi, awahhabi, d iqendyar, d iḥiǧaben, mebla ma nettu tutlayt-nsen « derja » i si ttmeslayen « lla leḥya lla din qessam-nsen ». Icuba-asen Yillu, am akken deg ixxamen-nsen i llan. Ur ttaqadaren ara Iqvayliyen, tutlayt nneɣ neɣ ansayen nneɣ sumata. Amur ameqran n wigad id-ittasen ar Uẓeffun d tiwaculin nni ig hujren ar tmanaɣt di zman nni n Fransa, atg,…

Tiwaculin agi akken llan, meẓẓi meqqer ttutlayen anagar  » s taɛravt n ubrid ». Amer meqqar llemden tutlayt-nsen taqvaylit mara d-rzun ar
lwasila-nsen, maca nutnitenti ugin-tt ad tt-llemden u rran iman-nsen am akken « ifen neɣ usan-d nnig n iqvayliyen d Teqvayliyin n wedrar.
Akken llan ḍefren aɛraven inselmen n lzayer d tasnakta n Messali d Bumedyen; ugin ad ɛaqlen iman-nsen d iqvayliyen d teqvayliyin-kan
anida bɣun lalen. Llan widak n Fransa, maca mxallafen xilla af wigi n tmanaɣt n Lzayer s waṭṭas imi meqqar wigi, mazal ḥemlen laṣel-nsen u
llan igad ig ṭfen di tjaddit-nsen xas lulen-d di tmurt taverranit.

Nessaram tiwaculin n verra n tmurt taqvaylit ad ɛaqlent iman-nsent u ad d-uɣalen s abrid ar teqvaylit-nsent kan ara sent-idumen, xas ma
kkrent-d di Wehran, di Tbessa neɣ di Tiaret, atg,…

Hand Berkouk