Aya yella-d ticki n taluft-nniḍen i d-yeḍran tameddit n wassa deg tewwurt n uɣaram asdawan Buxrisa ( Boukhrissa ), imi d yiwen unelmad seg Tizi wezzu i yetturegmen s yemma-s sɣur iεessasen n tewwurt; ur teḥbis ara dagi imi anelmad-a ur as-yeεǧib ara lḥal ladɣa yewhem u yebda la ihedder yid-sen, iεessasen-nni nnan-as waqila kečč ur teqniεeḍ ara yella wayen ara ternuḍ; ladɣa fkan-as tiɣrit deg sin.
Tugi ad tfak yir targit-nni ɣef Uqbayli. Yal ass, ṭṭafaren-tt wuguren, ittnaɣ d tudert. Tafat tuɣal-as d ṭlam. Tuɛer-as tufɣa ɣer beṛṛa ula deg uzal qayli. Iwumi? Tasertit n At Ufella i as-ineqqen asirem, i as-isaɛaren tikli, i as-isderɣilen tamuɣli.
Tuɛer tufɣa ɣer beṛṛa! Win temmugreḍ ad ttwaliḍ ɣef udem-is reffu.Tabburt i ɣer iṣṭebṭeb ad tt-yaf tendel. Tafukt tameggazt tuɣal ẓẓayet ɣef yimi n yimdanen. Acmumeḥ yuɣal d aqabeḥ.
D tiddukla tameqqrant talamant yettnaɣen ɣef izerfan n iɣerfan yettwarekḍen (Gesellschaft für bedrohte Voelker) i d yessemlalen inebgawen-is di Goettingen ass n 26.11.2011 iwakken ad mmeslayen neɣ ad mcaqlalen ɣef iɣeblan n tmura-nsen. D Mass Kamal Sido (Akurdi) i yefkan iseqsiyen i inebgawen.