Tidett ass-a ma yella tedreg ɣef wallen, d tamuɣli i iwehhan s ayen nniḍen. Ur yemmut Ssaɛid Meqbel, ur d-grin wid i t-yenɣan. Acku asmi iqesden ad t-nɣen, i iẓran d acu i d azal-is di tmetti. S lmut-is rnan-as azal, azal-nni iksen i yiman-nsen.
Tifranin ad ɛeddint. Akken i ɛeddant tid iɛeddan ara ɛeddint tid ara d-yernun. Ayen ara d-yeqqimen ala liḥala-k ay amɣabun. Zzuznen-k s wawal, s ḍemɛen-k s cci.
Di yal tikelt i deg ara k-ḥwiǧen ssnen s wacu ara k-id-jebden, mi ruḥen d ayen ḍalen akkin, ɣur-k ur d ttuɣalen a la ma ḥwaǧen-k daɣen.
Akken yuɣ tannumi, mass Ferḥat iban-d d argaz n tsertit, yesseqdac-itt i yiswiyen akked tlelli n uɣref Aqbayli mačči d nettat i t-yesseqdacen am wid yelhan akked tefranin. Xas akken yettwaṭṭef, yextar uselway n Unabaḍ ad yeǧǧ lecɣal nniḍen akken ad yili i tririt ɣef wayen i d-steqsan Yiqbayliyen i d-yessawlen s ṭṭaqa.
Aselway n Unavaḍ Uɛḍil, Mass Farḥat Mhenni yella iḍelli, ass n Lhed 25 di wunbir, d inebgi n Karim At Karma deg umaṭṭaf Tamurt. Yemeslay-d ɣef waṭṭas n temsal, ladɣa tid icudden ɣer yimal n tmurt n iqbayliyen, imal n timanit, d leqdic ara d yilin ɣer sdat i wakken tamurt n yeqbayliyen ad tawi tilleli i tettraǧu acḥal d aseggas, tilleli iɣef mmuten acḥal d irgazen d tlawin.