Arrac yaɣlin deg tefsut tabarkant ur llin d uṭunen ad ten-id-nḥetteb yal tikelt i deg ara d-yaweḍ wass i deg ixnunsen deg idamen-nsen. d imdanen ay llan, d tirwiḥin d temẓi akked tirga i iruḥen i yimawlan-nsen akked Tmurt n Yiqbayliyen. Ur yelli d lḥeq ɣef wid i yeznuzun iɣsan-nsen, tirga-nsen yal mi ara d-yaweḍ wass i deg iɣlin.
Seg unebdu n 2011 ar win n 2012, ulac tamnaḍt deg Tmurt n Yiqbayliyen ur tewwiḍ tirɣi seg Ẓyama ar At Xlifa, seg Uẓeffun ar At Yeεla, aya yegla ula s tzemrin imi yal aseggas yettaεraḍ udabu n Lezzayer s yiserdasen-is ad s-yekkes ccbaḥa i
