Aḍu A (H1N1)

0

{{Aḍu A (H1N1)}} ( i tsemma deg tazwara Tuddsa tamaḍlant n tezmert Aḍu n yilfan) d yiwen n waṭṭan n yidmaren qessiḥen, yettenṭaḍen deg wa ɣer wa.I t-id-yettεeddalen d yiwen seg yinfafaden (virus) n waḍu A, win iwumi qqaren Influenzanfafad A adu-tawsit (sous-type) H1N1, iεiwed-d tuffγa deg 2009 s yiwet n talγa tacetlant (génétique) tamaynut, yettenṭaḍ seg umdan γer umdan. Aḍu-a yesεa daγen ismawen nniḍen, i s-fkant tuddsiwin tigraγlanin yemgaraden, am waḍu agafa-amarikani, aḍu amiksiki neγ aḍu amaynut, uqbel OMS ad as-teg isem n waḍu A(H1N1) ass n 30 yebrir 2009.

Anfafad-a amaynut n waḍu, yewwi-d tictiltin (gènes) seg waṭas n yinfafaden yettwassnen, wid yesεan aẓar uḥelluf, n yuẓaḍ d umdan. Anfafad-a d amexluḍ. Ula d yiwet n ticreḍt (vaccin) ur telli mgal-is. Imassanen n OMS ur ẓrin ara ma yella ticraḍ yellan akka tura mgal aḍu asemhuyan (grippe saisonière) zemrent ad as-d-xedment ẓerb neγ uhu. Wid γef wacu i d-yettbin waṭṭan n waḍu A(H1N1) ttdawin-ten tura s imqurεa (inhibiteurs) n neuramidase n yinfafaden n waḍu am oseltamivir neγ zanamivir