Iqjan imenṭaren ččuren tamedint

0

D iseggasen-aya, amḍan n yiqjan imenṭaren yettnernay war aneḥbus deg temdint n Uwqas, ineggura-ya ttdewwiren d tirebbaɛ; ttawḍen arma d talemmast n tɣiwant s tlelli tameqqrant, aya yesnerna deg umihi, yesnerna deg teggdi ɣef tdawsa n tmetti.

Deg yiḍ, ttnekkaren yimenɣiyen gar-asen d yiqjan yettwarebban, aya yetteg-d wahriḥu meqqren, yettenǧaɛen imuḍan, imɣaren, leṭwafen ur ten-ttaǧǧan ara ad gnen. Ɣef waya, d lwajeb ɣef ssrades terza temsalt ad ḥebsen ugur-a, ad wellhen imdanen ur ttaǧǧan ara iqjan-nsen ad ttmenṭaren deg yiberdan.
Tirebbaɛ-a n yiqjan yettdakkalen deg wacḥal yid-sen, zemrent ad d-ǧǧent tixazabiyin ẓẓayen ɣef win iteddun deg temdint; ladɣa arrac n yiɣerbazen i yettaɣen yal tikkelt abrid iɣef ttɛeddayen yiqjan-a i yettawin ttarran gar yizebbalen d tlemmast n temdint, i izemen ad d-iglu ula s waṭṭanen xersum deg tallit-a n uzɣal.

Deg tallit-a i iwulmen i yimikruben yemgaraden am tussḍa (la rage). ɣef waya, ilaq ad ttwanɣen send ad d-teḍru kra n lmerta.

LEAVE A REPLY

Please enter your comment!
Please enter your name here