TADRAR N FAD (TAMURT) - Tadwilt tis-8 n tfaska n tmedyazt, i txeddem Tiddukla tadelsant Adrar n Fad, n Wat Smaεil deg temnaṭ n Bougie, ad d-tili deg ussan n 25-27 meɣres i d-iteddun. Tadwilt-a, bɣan-tt wid i tt-id-iheyyan, d tajmilt i dda Lmulud At Mεemmer. Tafeska-a ad ilin ɣef uqerruy-is isdawiyen yessnen deg taɣult n teqbaylit, d nutni ara ad d-ifernen imedyazen yufraren. Zdat n tmedyazt ad ilint daɣen temsiknin, timezgunin, timeɣriwin akked isaragen ara d-yemmeslayen ɣef tira d usufeɣ n yidlisen s teqbaylit.
