{{Tilisa n umxuğ n yimi d ugbur-is:}}
Ɣer tama n zdat llan sin icenfiren, ɣer tin n deffir tella tmiğğa. Ɣer tama ufella ad naf aḍran apalatini, ma swadda tella tegnit n yimi. Ɣer snat tbelɣendisin yella udem agensan n lḥenk.
{{Iɣesmaren}}:
Llan sin: win usawen d win n wadda.
{{Tuɣmas}}:
Amdan ameqran yesεa deg yal aɣeṣmar mraw sad (16) tuɣmas, yebḍan ɣef krad n waggayen: Tigezzamin, Uglan, Tissiyyar.
-Tigezzamin tigejdanin: llant ukuz(4), snat deg ɣeṣmar n ufella, snat deg win n wadda, akken i tent-yesken yisem-nsent gezzment učči yeqquren.
-Tigezzamin timidisin llant kuz, snat iwsawen, snat swadda, am tgezzamin tigejdanin sεant yiwet temlilt acku d timecṭuḥin fell-asent.
-Uglan: llant ukuz, snat i usawen snat i uksar tawuri-nsent d acerreg n wučči am uksum.
-Tissiyyar tibesṭuḥin, llant ṭam (8), ukuz (4) i uksar, ukuz i usawen.
-Tissiyyar timeqranin: llant ṭam (8) ukuz uksar ukuz uksar.
-Tissiyyar n temɣer: llant ukuz, snat usawen, snat uksar.
Merra tisiyyar tibestuḥin neɣ timeqranin, tawuri-nsent d iẓiḍ n wučči.
Tuɣmas uyefki: Aqcic neɣ taqcict yewḍen krad iseggasen sεan warem (20) n tuɣmas.
{{Iles}}:
Iles d agman afessugani. D netta i yeggaren učči ɣer tmiğa. Iles iga s mraw d ṣa (17) yifessuganen, twaqnen merra ɣer iɣes n tmiğa.
Udem aneğği (ufella) n yiles d aḥercaw acku yeččur d tibruruyin.Yal aggay n tebruruyin d amassay usaweḍ n yiwen uḥulfu ama d terzeg, d tizeḍṭ neɣ d tesmem…atg.
{{Tasigt tuɣmestant}}:
Tella daɣen deg yimi tassigt tuɣmestant, d yiwet n tɣamut tafrawant igan s isusfan d imikruben d iceqfan n texxamin yemmuten.
Tezmer n yimi d tuɣmas d aɣbel ameqran, xilla wid ur s nefki azal-is-d yewwi ad as-fken.
I wakken tezmert-a ad tgerez iwwid ad yili usfad n tuɣmas d usired n yimi krad tikal deg ass, yal tagara n imekli, ḥacama dayen tetwakkes tasigt tuɣmestant.
Asfad n tuɣmas issefk ad yili seg tama tazeggaɣt ɣer tama tamellalt.
Ma ulac asfad n tuɣmas d uclil n yimi, imicruben ad sugten.
Deg tudert-nnsen imicruben-a tetten adfut, teggiren-d tesmem i yellan d tamentilt n ifula n tuɣmas.