Ay ahlil‑i ay aḥlil‑i
Xas ɣeḍren ccqan‑iyi
Tirṣasin cergent tignawt. Taswiɛt tenugddem, ziɣ tamattent tegguni deg ubrid n At Dwala. Ulac innigan. Wid yundin ticerkett qussen‑tt ur zgilen ara tadla ‑nsen. Issaggaden n tafat neqḍen itri i d‑yekkan nnig yitran. Igenni n tmurt n leqbayel yembawel , yetti, yefla ḥuzzent iɣissan si yal tama. Isax wakal n lḥeṛma, yeftutes ublad n yiseɣ, yulwaz useklu n leḥlu. Ziɣ tammettant teggunit deg ubrid n At Dwala !
