Bgayet, 23 tuver (TAMURT) - Iḍelli n lexmis ṣṣbeḥ, di temdint n Bgayet, kra n lmitrat kan ɣef uqus n iberdan "quatre chemins" qqbala annar n Belɛelwac, deg webrid n tmacint, teḍra-d yiwet n twaɣit i d yeglan s tmenɣiwt n yiwen n wemdan akked wejraḥ n wemdakel-is.
Bgayet, 22 tuver (TAMURT) - Imezdaɣ n taddart n Bunuṛ, sin ikilumitren ɣef temdint n Leqser, ctaqen tiqit n waman n ttissit deg yexxamen, seg lɛIid-nni ar ass-a.
TIZI RACED (TAMURT) - Inelmaden n uɣerbaz alemmas Metrek Ɛamaṛ n Tizi Raced ugin ad kecmen iḍelli ɣer uɣerbaz, akken a d-seknen lɣiḍ-nnsen ɣef lḥala yettidir uɣerbaz-nnsen. Inelmaden sutren deg wid teɛna temsalt i tiririt n yexxamen n tezdeg, tesqifa i deg ara ddurin inelmaden ass n ugeffur.
Bgayet, 21 Tuber (TAMURT) - Di temdint n Bgayet, kra n lmitrat kan ɣef "uqus n iberdan" (quatre chemins) qqbala annar n Belɛelwac, deg webrid n tmacint, teḍra-d yiwet n twaɣit i d‑yeglan s tmenɣiwt n yiwen n wemdan akked wejraḥ n wemdakel-is.
Tizi Wezzu, 20 tuver (Tamurt) - Tidukliwin n tuddar, tidukliwin tidelsanin akked tdukliwin n ddin n taddart Adrar di tɣiwant n Weɣrib, deg udewwar n Uzeffun, ssutren deg Lwali n Tizi Wezzu a d-yaf tifrat iy iɣeblan i deg xebbḍen imezdaɣ yal ass.
Bgayet, 20 tuver (TAMURT) - Di tɣiwant n Tuǧǧa i beɛden ɣef temdint n Bgayet s 25 km, ɣef uqerruy-is imḍebber amenzu, Mass B. Rabeḥ id-yufan iman-is yewḥel deg uguren i d-yettlalen ur ferrun, iger-d tiɣri iy imezdaɣ akked tdukliwin n tuddar.
Bgayet, 19 tuber (TAMURT) - Ma nenna-d tgerrez tudert n imezdaɣ di Suq n letnin neskaddeb. imi aṭas n ttawilat yessifsusen tudert i wemsedrar ulac-iten. Am tagi n lgaz ur d‑nekcim ɣer yexxamen. yal ma ara d‑taweḍ tegrest, lgaz yuɣal d targit n imezdaɣ, imi tagrest tessaɛar tudert i wemsedrar.