Iseggasen zerrin maca acemma ur ibeddel di lḥuma n Naḍur, di taddart n At Ɛebd Lmumen di tɣiwant n Tizi n Tlata.
Ugar n tlatin n twaculin ttidirent di yir tudert, ssebba imi ulac tafat deg yexxamen. Imezdaɣ-agi uɣen tanumi ɣas akken imḍebren n sonalgaz regmen-ten s usekcem n trisiti ɣer yexxamen seg useggas n 2007.
Ayagi ur d-yelli ara acku bab n wakal iḥebsi-ten. Imḍebren teɛna temsalt, imɣaren n taddart akked tdukliwin n tuddar, ɛerḍen amek ar ad d-afen tifrat i weɣbel-agi deg wayyur n fuṛaṛ iɛeddan maca yeqqim d asirem kan!
