Ixdamen n luzin n uyefki di Dreɛ Ben Xedda kecmen di » la grève » war tilas, iḍelli n letnayen 10 ṭuber akken ad sutren taɣalin n Ddula ɣer uselḥu n tkabanit.
Ixdamen n tkabanit-agi, seknen-d lɣiḍ-nnsen mgal uguren akked iɣeblan ideg ttidiren seg-wasmi i tt-yekcem « le privé » krad n iseggasen-aya.
Akken ttwalin ixdamen-agi di ḥala n tkbanit ur tezmir ara ad tt-kemmel akagi, imi dayem tettuɣal ɣer deffir.
Iḍelli, d ass amezwaru n uḥbas ɣef uxeddim, ixdamen gan yiwet tbeddit zdat tebburt n luzin, syin ixdamen lḥan, yerna suɣen: » ad nerrez wala ad neknu ».
C.W
