Ar tama n tmekṛḍit n Targa Uzemmur i nnejmaεen yinelmaden n tseddawit n Bgayet taṣebḥit-agi d tiririt i tiɣṛi n Tenmiregt Tadigant n Yinelmaden (CLE).
CLE yessawel-d i ugraw-agi akken ad d-yessebgen liḥala i tewweḍ ɣuṛ-s tseddawit n Bgayet ladɣa aseggas-a imi tadbelt d tin yekkaten ad tesseɣli azal n unelmad s uεfas n yizerfan-is am yiεewwiqen yettmagar unelmad deg usurif ar MASTER neɣ aseɣli n uẓayeṛ n unelmad s usuffeɣ n waṭas n yinelmaden mebla ssebba acku d ayen kan i d-yufa udabu d tifrat akken ur tettili yara tudert igerrzen i unelmad ara yesselḥun azekka n tmurt.
Inelmaden d wid i d-yuɣalen ɣef uguren ttmagaren yal ass, almi ula d anejmaε-agi yegla-d s urfan imi tewwet tedbelt ad tesseḥbes tadukli-ya s useḥbes n trisiti.
Agraw-agi igezm-itt di ṛṛay akken ad yebdu leqdic mgal liḥala-yagi seg uzekka, aya ad yili s uɣlaq n tseddawit.
