Ali Tunsi, aqerru n temsulta n tmurt n Lezzayer yettwanɣa

7

Anemhal amatu n teɣmist taɣelnaw n Lezzayer (DGSN), Ali Tunsi, yettwanɣa taṣebḥit n wass n lexmis 25 furar 2010 ɣef 9. D yiwen ger wid i t-iqerben i yellan s defir n tmenɣiwt-is. Ɣef akken d-nnan kra i iqerben tadyant-a, deg yiwen unejmaa deg wexxam amatu n temsulta i yellan di Bab Lwad di Lezzayer tamanaɣt, i d-yella wannect-a. Aṭas n teldunin n rṣaṣ i yewwet uxeddam nni n Temsulta i yenɣan Kulunel Ali Tunsi. D tildunin i yḥuzan daɣen kra ixxedamen nniḍen i yellan deg unejmaa.

Yiwen i iqerben tamsulta yenna-d waki yenɣan d netta i d imdḍebber uferdis n uzwu n Laman Aɣelnaw Azzayri. Imi yenɣa kan Kulunel Ali Tunsi, u yewet kra n tedlunin anda iḥuza imidawen-is, ar taggara yenɣa iman-is ula d netta.

Aneɣlaf n daxel azzayri, Yazid Zerhuni, isentem-d asali aki n tmenɣiwt i d yellan deg ubiru n Ali Tunsi deg adeg n temsulta di Lezzayer tamanaɣt.

Taɣzint (Sseba) n tmenɣiwt aki urεad ur d-tban ar tura. Ɣas ulama kra nnan d akken deg unejmaa i d yellan ger Kulunel Ali Tunsi akk d inebdaden imuqranen n Temsulta, tella-d čaqlala, aseɣzef n wawal d laεyaḍ ger Ali Tunsi d win i t-yenɣan. Imi yebɣa ad t-yesṭixer seg adeg-is ilmend n ugufsu (Ttjal), yuɣal izεef ijebded Abistuli ines srid ar ɣer-s, u yeḍra-d wayen d-yeḍran.

I wesmekti, 15 isegasen aya i yella Kulunel Ali Tunsi d aqerru n Temsulta di Lezzayer.

{{Racid At Ali Uqasi}}

7 COMMENTS

  1. Imcumen ar d- mseglun akken inna usefru u leεquba ar wiyyaḍ ! Idamen n warrac nneγ mazal ur kkawen ara ! Wissen ahat a d yuγal ttar i tudrin !

  2. yeffeγ i webrid-nsen, nγan-t, neγ d amsaltu i yeεyan di tmuḥeqranit-is dγa yenγa-t, imi nutni ala iγil i ssnen, snesla deg ṭṭfen d tinna n Wejda, win i s-iserḥen deg-s a t-kksen.
    cwi imi tella lmut, armi nεudd ala imecṭuḥen i yettmettaten,

    win igan taẓẓeyt n tweṭṭuft n walluγ a tt-iẓer, win igan taẓẓeyt n tweṭṭuft n wuhuḍ a tt-iẓer

  3. A win ara d-yerren dda Σli Atunsi ulammer 10 ddqayeq kan d amuddur, ad iwali s wallen-is amek ara xedmen imsulṭa L’enquête γef lmut-is. Imiren ad as-yini: « Nnaγ a dadda Lεerbi bu lxir, γiwel jbed-iyi-n ad nuγaleγ γur-k, acku tura di ddunit, mačči di laxert, tinna n men εamala mitqala ḍarrati xayri yarah, wa men εamala mitqala ḍarrati cerrin yarah! ».

    • azul a Sεid. agdud n anğiri, ur iḥemmel abeddel, ur iḥemmel tidet ad tili, yezga iteddu ala d win ibedden, iğehdden ,yesεan idrimen, ẓerhu, ibedd, yeğhedd, butef s idrimen, lğibban-is čurren, d acu nniḍen ara yiḥwiğ wegdud, ammer dγa a d-yuγal dda Σli Atunsi ad iwali, a d-yaf imsulta-ines, ttaγen awal i ẓerhu d butef, mačči i imagdayen iwumi ara γen awal, a γ-ig Ṛebbi ttawil i nekkni yessaramen ad tbeddel, di 62 ar tura ur d iban

  4. tamettant aggi n’ali tunsi teskaned belli di teqacuct udavu vdan asemsed ijenwiyen,yal arvae ay ett heggi iman-is amek ar ay eghddel axessim-is akken ad qimen d’igelliden ghef tmurt.ur nettett ara daghen belli la caisse teccur d les milliards de dollars nel petrol del gaz..ttaggi kkan id sebba.

  5. Yuklal aya, ula ma yerwel i craɛ, ah, nniɣ-d craɛ, ur yelli craɛ zeddigen deg tmurt n Lzzayer.

    Wissen ma ayen akk iy ukren bwinṭ yid-sen? awah, xaṭi. Yeqime-d i tarwa-nsen. Tella tikta : ilaq ayin i-d-yeggran ayen akken igguker a-d-yuɣal ar imawlan. Ẓriɣ llan wid ar a-d-yinin, tiwaculin-nsen ur xdiment acema seg waya. D Aɛli Ṭunsi neɣ Belkir neɣ wid imi ara ccudden aɣesmar (a wid ukkan a-d-arnun wiyaḍ, Butefliqa, Zerhuni, Toufiq,… mečtuḥ, meqar, a wid kan, a war tuɣalin).

    Aman ad uɣalen ar wasif, ad aɣlin deg illi.

LEAVE A REPLY

Please enter your comment!
Please enter your name here