I kečč ay amaɣbun?

2

Teǧǧiḍ i k-icban deg wayla-k ad ksen? teǧǧiḍ i k-icban deg-k ad nehren? Mi ak-ɛeqent qqar-as:“akka i yura”!

I kečč ay amaɣbun? Terǧiḍ almi i ak-sserɣen tiẓegwa, truḥeḍ ad d-tekseḍ iberčečča.

I kečč ay asardun? Tɣilleḍ ad terreḍ idles d adles; axxam d adaynin, lmal d imawlan! Ṣrima ad tɛelleq ɣer lḥiḍ, d amḍiq n tmekḥelt ara teṭṭef.

I kečč ay amaɛfun? Tenwiḍ ma yella tesluɣeḍ tezdeg n waman, deg-sen ur ttidiren iselman? Mačči s sin neɣ miyya n ineẓḍan ara tesnegreḍ tadla (ccetla).

I kečč ay aqjun? Tbeddleḍ aksum s yeɣsan; tuɣal-ḍ d annar i wurar n iselfan. Win i ak-d-iseɣlen ad tesgelfeḍ, ad themjeḍ. Tegliḍ ula s imawlan.

D win i wumi teɛreq tnilla i aɣ-yemmalen iberdan ass-a?
Ɣas tessexrabem ayen illan, ma ad d-yili wayen tebɣam?

Ɣas terram-aɣ ussan d uḍan, ur tettut, deg-sen i ttiẓident tirga. Ɣas ad tekfum irgazen, ur tkeffu tirrugza.

Ass i deg ara tenwum trebḥem, ass-nni ara teẓrem acḥal i txeṣrem.

Irnaten Murad

2 COMMENTS

  1. Amcum-a yessefk ad yekkes. Werjjin sliɣ-as yemmeslay s Teqbaylit. Ala Tafrasist i yuzzlen ɣef yimi-s . Taneggarut ukk d taɛrabt : aqeffaf-agi n Butesriqa lemmer yezmer ad yessiweḍ Taɛṛabt ɣer tuddar tili yssaweḍ-itt .Wammag deg wexxam n yedles n Tizi wezzu tekcem tasga.

    Dacu kan ur ilaq ara a nettu imcumen nniḍen . Lhachemi Assad ( HCA) yeddan d aqeffaf n udabu n Zzayer ɣer Genève ( timlilit wegraw izerfan n wemdan). Lhachemi Assad i cehden s ẓẓur ɣef Tmaziɣt, win yennan tutlayt-nneɣ ur i tt-ixuṣ wara ɣas ma yeẓra d tikerkas. Lhachemi Assad igezmen assaɣ d imaziɣen n Lamṛuk ( tafaska n usaru n Tmaziɣt) , akka mebla sebba.

    Ur ntettu daɣen la dipiche n kabylie . Lekteb, tikerkas yal ass. Dɣa ass-a ɛeṛdend amcum n Tizi, ussan-a yezrin necdend amcum n Hca. Iqewwaden akkenni iddukulen.

    • Ixeddaεen-a yeznuzun idles amaziγ i ucengu yessexrab-it, ad uγalen ad ttuwbexsen yismawen-nsen, am akken yettuwbexes yisem n Buxus ixedεen Yugurten, izenz-it i Ruman

LEAVE A REPLY

Please enter your comment!
Please enter your name here