Ttfuh i wid ur iγ-iḥemlen ara

3

Nessawel-d γef tlelli tin γef γlin yergazen d tlawin yesεan lhiba n yizemawen. Amelyun d uzgen ma drus. Γlin, sarmen ad nidir di lɛez d yiseγ. S rsas i d-ran i teγri-nneγ; nγan, εeyben, ččuren leḥbus. Tuγal tlelli d tisegnit. Iswi tura d ilili, isderγel asirem, ziγ mazal iles ad yugem. Mi d-yeldi uqbayli imi-is ad as-zewren lfuci.
Ttfuh i tlelli am ta.

Nessawel-d γef teqbaylit, tin s i d-nenteq asmi i d-neldi allen-nneγ γer ddunit. Neḍmeε ad d-neḥyu isem-is, ad tegri i warraw-is d tin i d agerruj n tmazγa, nebγa ad d-neḥyu iḍelli, ad nseggem tiεewji. Ad teǧǧuǧeg ad tennerni, ad taɣ amkan di tmurt-is. Ur neqbil ara laṣel ad imuγben. Rran-d i teγri s uḥlalas, deεwessu tugi ad tekkes la aγ-tettdeqqim ; nγan, εeyben, ččuren leḥbus.
Ttfuh tutlayt am ta.

Nessawel-d γef tugdut, neḍmeε ad d-nerr lḥerma i tmurt.
Ad yeǧǧuǧeg wegdud ad yenǧer abrid γer tafat. S tegmatt d tdukli ad as d-dher ttidett yefren. S tmes i d-rran i teγri; nγan, εeyben, ččuren leḥbus.
Ttfuh i tugdut am ta.

Nessawel-d γef izerfan n wemdan, neḍmeɛ tudert n liser. Ḥemlen medden abrid-is. Yessawaḍ γer wayen yelhan mebla nutni ad teγli tagut. Ad d-yeγli ṭṭlam deg uzal qayli, deg imawen ad yirzig lqut. S tersasin n leγder iγ d-mugren, γlin ilemẓiyen gara-neγ. Ldintt-aγ tibbura i lhem , lḥif yerra-yaγ d ayla-s.

Ttfuh i wezref am wa.