Yir aṭṭan

3

{{Yir aṭṭan}}

Yir aṭṭan-nni, mazal ihemmej di tmetti n wegdud Aqbayli, yettidir s yis-s yerna yeẓra ansa i d-yekka maca acimi i mazal yeṭṭef deg-s ass-a?

Aṭṭan-agi, ama si tama n wid yewten neɣ wid yettewten yis-s, ẓran akk ayagi ?! Tikwal ttruḥun mebɛid di leḥsabat-nnsen, qqaren-d:  » Imi d zzehr-nneɣ yewwi-yaɣ-d ayagi, acuɣer ara nbeddel ?! ».

Wid yewten qqaren: « Ammer mačči d nekni, amek ad asen-teḍru ? ».

Ihi, ayen i d-yekkan sɣur wigi, yelha neɣ dirit, d nutni s yiman-nnsen i d sebba-s.
Tidyanin neɣ tilufa i nettidir ass-a, d nutni i d sebba-s iḍelli. Amedya ara d-ffkeɣ qerriḥ nezzeh, maca ilaq ad-as-d-naf abrid ara t-yawin ur d-yettuɣal, ɣer tmetti-nneɣ. D awezɣi ass-a timetti ad d-tefk tezdeg.

Taluft-agi terza tudert n wegdud s lekmal-is acku, imi netta d Aqbayli neɣ d Amaziɣ sumata, yuɣal ayen i d-ibeggsen fell-as d lmuḥal. D acu uɣur d-beggseḍ aka ay Aqbayli? Ad yemḥu aṭṭan i t-izedɣen. Ma yella ayagi yerza Iqbayliyen kan dɣa texla! Igenni ad d-yeɣli-d ɣef lqaɛa…Amek? Llan wid i t-iḥemmlen ttafen ɣur-s.
Aqbayli ad yawi ayla-s as-d-yuɣal uzref-is di tmurt-agi?!…

Amzun Iqbayliyen mačči d agdud am yigduden-nniḍen. Ma nuɣal ɣer umezruy-nneɣ, Iqbayliyen akked Imaziɣen d nutni i d imezwura ɣer tmurt-agi… Maca ur dduklen ara i lebni n yiwet n tmetti akken ad ḥekmen. Amek ara teǧuǧǧeg tmetti ass-a? Sgujlen tutlayt akked yidles. Amek ara d-tilli talwit? Amek ara d-tilli tikli ɣer sdat? Amek ara d-neffeɣ si tesraft skud mazal d talafsa n yiḍeli i yettḍebbiren ɣef wegdud? Iqbayliyen ass-a, ɣas akken ur ḥkimen ara ddren.

Crif Wanuɣi

3 COMMENTS

  1. Azul-fellawen.

    Igduden akk n umaḍal dduklen am yiwen n wemdan ɣef yidles-nnsen akked tutlayt-nnsen, ma d dimaziɣen-agi nneɣ yal wa sanda ijebbed. Ula diqbayliyen-agi-nneɣ d nutni i d imezwura ɣer umennuɣ, maca ayen sedramen yugar ayen i-dɣelten. Wissen ma d tigzi neɣ d tiselbi.
    Ar tufat!
    Sɣur-wen tura! Ahat Sɛut tinzar.

  2. {{
    Azul, azul, azul…
    Akki-t ay imaziɣen, muqlet igduden n dunnit ma yella s tidett tebɣam ad ten-tecbum, ma yella s tidett tebɣam ad tgerrezem.
    Allen-nnwen ad walint ar zdat.
    iɛdawen-nneɣ; ussan-d sebɣen-aɣ, s tutlayt-nsen i nessawal
    Tamaziɣ seg imi nneɣ tettiiṛzig?!
    I dderya nneɣ ammek ad asen-teḍruuuuuuuuuuuuuuuuuuuuu?!!!!!!}}

  3. Azul, ulamma imezwura nneγ frurin-d deg wakal n Tmazγa, tamurt nsen d tagi, ulac tamurt nniḍen i sεan ala ta, maca ass-a nwala-tt tevna γef umnekcam Aεrav, d idles-is, d amezruy-is, d tutlayt-is i ileḥun, nekni ayla nneγ yettwasfeḍ, acku d nutni i iḥekmen.

LEAVE A REPLY

Please enter your comment!
Please enter your name here