Di tmurt n yeqbayliyen, amezwaru n tefsut yettas-d ass n 28 di fuṛaṛ n yal aseggas. Yal mi ara d-taweḍ tefsut, Iqbayliyen si zik-nsen ttmagaren-tt s lferḥ ggaren-as irebbi , ttheyyun-as ussu.
Yugget wawal di tegnit anda i tlaq tsusmi, am wakken i tzad tsusmi di lawan deg i ilaq lmenṭaq. Tagnit ttidirent "tmura n waɛraben" di tagara-agi terra akessar d asawen, asawen d akessar. Kulci yennugdem armi ayen yellan zik yecba awezɣi yuɣal d lmeɛqul. Maca di tegnatin am tigi tikwal lwehmat ttekkent-d nnig teɣzint armi ula d tuttriwin i d-yettasen ɣer lbal d tid yeskeɛriren ɣef ṣṣwab akked temzela.
Ma nsuk tiṭ ɣef ayen akk i d-iḍerrun di ddunit s umata ussan-agi ad naf d akken di tazwara n useggas-agi 2011, d aseggas i deg i d-isuḍ waḍu n tugdut d tlelli ɣef kra n tmura yettidiren ddaw udabu amesbaṭli.
At ufella ma yella ur rrkiḍen ara taqbaylit, ad wwten fell-as nneḥ. Iqbayliyen yettnaɣen akken ad d-kksen taqbaylit-nnsen si teccarin i waɣezniwen bḍan-ten am ibawen ɣef lluḥ.
Assen n ssebt 12 Furar 2011, di Internet yekker uhetwir. Imdanen ttemsawalen s ttawil n Facebook akked ismilen imettiyen‑nniḍen yecban twitter, mysapce. Si tama nniḍen iɣmisen I d-ittefɣen s wudem n lweb ttaznen-d isallen si dqiqa ɣer tayeḍ. Lɣaci ifud ad iwali. Yebɣa ad iẓer acu i iḍerrun di Lẓẓayer tamannaɣṭ. Kra ahat ssarmen d tagrawla ara yesenquqlen adabu am tin n Tunes neɣ n Maṣṣer. Wigi d wid mazal ttlen deg ufezqi n nniya. Wigi d wid yettun belli uqbel ad tzerɛeḍ timẓin ẓẓer qabel amek iga akal. Awah aṭas umu tteksent ccfawat.
