Tasqamut taɣerfant n lwilaya n Tzi Wezzu ugin ad fken idrimen i terbaḥt n Ilemẓiyen n Iqbayliyen. Sebba n wayagi, d akken aselway n JSK Muḥ crif Ḥennaci yugi ad yefk leḥsab zdat imḍebren n APW n Tizi Wezzu. Γef isallen i d-yefka umaray amatu n APW i umaṭṭaf n Ṣumam di tedwilt n waddal ass-a n lǧemɛa 30 ctember, d akken yessefk fell-as ad iḥaseb Aselway deg wacu i yiṣeref idrimen n useggas yezrin.Ayagi yegla-d s waluɣ isaɣen ger terbaḥat n JSK akked imḍebber amezwaru n APW. Yeggra-d kan leɛqel d lmeɛqul ara d-yafen tifrat i wayen d-iḍerrun di tazwara n tilɣuɣa n ddabex uḍar. C.W
