Ahya ssimra! Amud n Tullisin sɣur Nufel Buẓebbuǧa

15

Uqbel ad d-awiɣ awal ɣef wamud-agi n tullisin yettwarun s teqbaylit tamirant deg tmura n yinig, riɣ ad d-meslayeɣ cwiṭ ɣef bab-is neɣ win i t-id-yuran s tidi d laεtab akked waṭas n unadi, imi d amdan ay ssneɣ uqbel ad yekcem ɣer unnar n tira.

Myusaneɣ d umaru (Nufel Buẓebbuǧa) asmi lliɣ d anelmad deg uɣerbaz alemmas n Wayt Iččir , s yin ɣers nemxalaḍ akken i ilaq deg tesnawit n Tizi Ɣeniff akked tesdawit Mulud At Mεemmer anida i d-newwi amecwar ɣezzifen akkenni.

Tamedyazt d tawsit n tsekla tamezwarut ideg yebda Murad (akka i as-nessawal di tmurt) yettaru yerna akken iwata s kraḍ n tutlayin : taqbaylit imi d tameslayt tayemmat, tafransist d teglizit imi d annect-a i yeɣra, i yesselmed umaru deg tesdawit. Ɣriɣ i tmedyazt-is acḥal d abrid uqbel ad tt-id-yessuffeɣ d adlis i tɣuri d usenqed.

Seg tira n tmedyazt, Nufel ikcem ɣer tira n umezgun, tira n wungalen d tin n tullisin. Yettaru akk s tutlayin i yessen ladɣa seg wass-mi i yettidir di Alikant akked tmurt n Danemark anida i d-yewwi ayen i wumi neqqar tamezduɣt n tira, yerna-d daɣen aṭas n tirmit deg ulmud n tutlayin i as-d-yezzin.

Ma uɣaleɣ-d tura ɣer wamud-agi n tullisin yellan ger yifassen-nwen, ad d-zwireɣ s uzwel i as-yefka umaru: Ahya Ssimra! D azwel i d-yemmezgen akked wayen yellan ɣer daxel n udlis, imi d tiɣri n yilemẓi yettasmen ɣef tmurt-is, ilemẓi i d-isuɣen seg tmura n yinig i wakken ad d-yini ala i yibaxixen iḍerrun di tmurt-is yal ass, d tiɣri n yilemẓi yeddren am yilmeẓyen i t-icuban geddac n yiseggasen di tmurt ddaw tecḍaṭ n miḥyaf, zzelṭ akked uẓmaḍ neɣ aqmaḍ n tlelliyin akken ma llant deg tmurt n yimawlan; d ayen ur d-yufi ara s timad-is asmi i yesraffeg ɣer tmura n medden! Ayagi si tama.

Si tama nniḍen afran n uzwel s timad-is d asmuḥyet meḥsub d tajmilt i tgejdit n tsekla taqbaylit tamirant Muḥend U Yeḥya, imi azwel-agi ur yelli ara d azwel n yiwet n tullist i-d-yufraren ɣef tiyaḍ deg udlis maca d azwel i yezdin akk ayen yellan d axel n udlis. Ula d Muḥya akka i tga tira-s.

S yin ɣers, ma nεedda ɣer usiḍen n tullisin i d-yeddan deg udlis; ad naf deg-s azal n ṭam (08): εemi Klucar, Baba Saε, I kečč a mmi, Tayri nnig uẓekka, Ḥbiles amzenzi n ssardin, Dda Ḥemmu d yetbiren, Ɛemi Slim d Muḥand amattar.

Yal tullist s wazal-is, yal ta s tifulka-s. Ayen yernan cbaḥa d sser i tira n Nufel deg wamud-agi d asdukkel ger tektiwin i d-yugem seg tgemmi timawit akked tektiwin timaynutin i yellan deg yidles akked tsekla igraɣlanen. Rnu ɣer waya d tamḍawit n umawal (Variation lexicale) i d-yessemres umaru, aya ahat yella imi amaru yeffren ad yaru s tutlayt n udrum-is; taqbaylit n Yiflisen Umellil swayes i yura daɣen Lḥussin Yeḥya; yiwen umedyaz nniḍen i d-tefka tama-agi.

Di taggara, ad d-iniɣ belli amud-agi i yura Nufel yuklal ad t-iɣer yal yiwen d yal yiwet, imi d aẓru nniḍen i d-yernan ɣer lebni n tullist s teqbaylit, seg wasmi i yessers Mass Kamal Buεmara lssas amezwaru i tewsit-agi n tsekla tamirant n teqbaylit s wamud i yura i wumi yefka azwel: Nekkni d wiyiḍ, deg useggas n 1998. Akken i as-yenna Lewnis At Mengellat, deg tesfift-nni Abrid n temẓi:

“Yal wa d acu i d-yessuli
Aẓru s aẓru nesdukkel-it
S leεtab d lketra n tidi
I nettberriz ddunit (…)”

Sɣur Aεmar LAΣUFI
Aselmad n tsekla tamaziɣt deg tesdawit n Wakli Muḥand Ulḥaǧ n Tubiret.

15 COMMENTS

  1. Je fier de compter NOUFEL parmi mes bons amis.
    Afud igerrzen a Nufel a gma, ad nzux yes-k yerna cenna!

  2. Je fier de compter NOUFEL parmi mes bons amis.
    Afud igerrzen a Nufel a gma, ad nzux yes-k yerna cenna!

  3. Je fier de compter NOUFEL parmi mes bons amis.
    Afud igerrzen a Nufel a gma, ad nzux yes-k yerna cenna!

  4. Ahya ssimra! iγumaγ buberrak yesdubz-aγ allaγ, dayen nugi ad naki, ad nesdukkel iγalen-nneγ i wakken ad nekkes ayen akka ittebbin deg-nneγ yal ass, ulamma llan widak-agi γ-id-yessakayen am Nufel, nessaram ad ugten am netta, imi d abrid n Muḥya i d-yewwi, daγen ad nessirem ad ugten wid ara yeṭṭfen aεekkaz ar widak-a inekren lassel nsen.

  5. Ahya ssimra! iγumaγ buberrak yesdubz-aγ allaγ, dayen nugi ad naki, ad nesdukkel iγalen-nneγ i wakken ad nekkes ayen akka ittebbin deg-nneγ yal ass, ulamma llan widak-agi γ-id-yessakayen am Nufel, nessaram ad ugten am netta, imi d abrid n Muḥya i d-yewwi, daγen ad nessirem ad ugten wid ara yeṭṭfen aεekkaz ar widak-a inekren lassel nsen.

  6. Ahya ssimra! iγumaγ buberrak yesdubz-aγ allaγ, dayen nugi ad naki, ad nesdukkel iγalen-nneγ i wakken ad nekkes ayen akka ittebbin deg-nneγ yal ass, ulamma llan widak-agi γ-id-yessakayen am Nufel, nessaram ad ugten am netta, imi d abrid n Muḥya i d-yewwi, daγen ad nessirem ad ugten wid ara yeṭṭfen aεekkaz ar widak-a inekren lassel nsen.

  7. Juste un petit conseil Noufel. Ne te hâte jamais de supprimer de ta vie, même virtuelle, ceux que tu n’as pas appris à connaître encore. Car, parmi eux, il yen a qui te tiennent en haute estime. Un plaisir quand même de t’avoir connu grâce à un ami commun. Pour ta nouvelle oeuvre, je l’ai déjà commandé à Tizi. Mes adieu!

    • Azul, tanemmirt-nwen. Awalen-nwen ldin ul d wallaɣ. Ulac-iyi kan ussan-a deg FB agma Chabane. Ihi xas kkes aɣben seg ul-ik, azal-ik ɣuri muqqar. Ar tufat. Tanemmirt i Tamurt.info.

      • Azul Noufel. Toutes mes excuses agma. Je me suis juste demandé, trop peut être! que si des éveillés comme toi nous claquaient la porte, à nous lambda, que nous resterait-il d’espoir que notre salut commun kabyle soit porté à bon port. Le couscous avec thaga tient toujours. Hakim a bien apprécié thaghdiwth la semaine passée. Tu l’a ratée Noufel. Chah!

  8. Juste un petit conseil Noufel. Ne te hâte jamais de supprimer de ta vie, même virtuelle, ceux que tu n’as pas appris à connaître encore. Car, parmi eux, il yen a qui te tiennent en haute estime. Un plaisir quand même de t’avoir connu grâce à un ami commun. Pour ta nouvelle oeuvre, je l’ai déjà commandé à Tizi. Mes adieu!

    • Azul, tanemmirt-nwen. Awalen-nwen ldin ul d wallaɣ. Ulac-iyi kan ussan-a deg FB agma Chabane. Ihi xas kkes aɣben seg ul-ik, azal-ik ɣuri muqqar. Ar tufat. Tanemmirt i Tamurt.info.

      • Azul Noufel. Toutes mes excuses agma. Je me suis juste demandé, trop peut être! que si des éveillés comme toi nous claquaient la porte, à nous lambda, que nous resterait-il d’espoir que notre salut commun kabyle soit porté à bon port. Le couscous avec thaga tient toujours. Hakim a bien apprécié thaghdiwth la semaine passée. Tu l’a ratée Noufel. Chah!

  9. Juste un petit conseil Noufel. Ne te hâte jamais de supprimer de ta vie, même virtuelle, ceux que tu n’as pas appris à connaître encore. Car, parmi eux, il yen a qui te tiennent en haute estime. Un plaisir quand même de t’avoir connu grâce à un ami commun. Pour ta nouvelle oeuvre, je l’ai déjà commandé à Tizi. Mes adieu!

    • Azul, tanemmirt-nwen. Awalen-nwen ldin ul d wallaɣ. Ulac-iyi kan ussan-a deg FB agma Chabane. Ihi xas kkes aɣben seg ul-ik, azal-ik ɣuri muqqar. Ar tufat. Tanemmirt i Tamurt.info.

      • Azul Noufel. Toutes mes excuses agma. Je me suis juste demandé, trop peut être! que si des éveillés comme toi nous claquaient la porte, à nous lambda, que nous resterait-il d’espoir que notre salut commun kabyle soit porté à bon port. Le couscous avec thaga tient toujours. Hakim a bien apprécié thaghdiwth la semaine passée. Tu l’a ratée Noufel. Chah!

Comments are closed.