Tubiret: Tudert war tilifun, mačči d ayen fessun

0

Seld iḍelli n ssebt, akked yiḍelli n lḥed, imezdaɣ n temnaḍt n Tubiret ddren war tilifun. Ikumirsiyen akked imḍebren n tkebbaniyin d wid yenṭerren ugar, imi d nutni i yessexdamen tilifun ufus ugar, ass-a, terra-ten tmara ad uɣalen ɣer tilifun n wexxam.

A d-nesmekti d akken iserdasen n tmurt gezmen tilifun deg imalas yezrin di tlata n temnaḍin Tizi Wezzu, Bumerdas, tubiret, s sebba n unadi n iserdasen ɣef irebraben di tama n sidi Ɛli bunab.