Yamina Benguigui ɣef uqerru n Tneɣlift di Fransa.

2

Gar tɣawsiwn id ijebden lwelha, send tifranin tiselwayanin n Tmurt n Fransa n 2012, tid tewwi tama tazelmaṭ n François Hollande, d asebded n yiwet n tmeṭṭut, ɣef uqerru n tneɣlift n Ifransawiyen iberraniyen.

Tameṭṭut-a, isem-is Yamina Benguigui, tlul di Fransa, imawlan-is d Izzayriyen n tmurt n Iqbayliyen. Yamina Benguigui ɣur-s 55 iseggasen, tettwassen ugar deg wannar n usaru (sinima) ad d-nebder gar isura-ines : «Mémoires d’immigrés» (1997), «Inch’Allah dimanche» (2001). Akken daɣ id tettwafren deg useggas 2008 akken ad tili d timḍebbert n Paris (conseillère de Paris), sin akkin tuɣal d timḍebbert tis snat n tɣiwant teṭṭef tama tazelmat, ddaw n Bertrand Delanoê, teṭṭef timsal n yizerfan n wemdan d umennuɣ mgal miḥyaf.

Asirem-nneɣ assa, ur tettu ara iẓuran-is.

Samir At buεza.