20 Meɣres Ass Agreɣlan n tmacahut: Tamacahut ɣer Yiqbayliyen.

1

Yettuεeyyen 20 Meɣres d ass agreɣlan n tmacahut seg useggas 2004 i wakken ad yuɣal wazal i ssenf-agi nn tẓuri yesεan iẓuran iqburen di ddunit ladɣa i usebɣes n tɣuri daɣen.

Ɣer tmetti Taqbaylit, tamacahut trebba-d tisutiwin yerna mačči drus tella d adukkel akked usdukkel n twaculin imi ttuɣalen isentalen n tmucuha n Yiqbayliyen ɣer wansayen n talsa s umata am laman am tdukli am yibeddi mgal acengu…atg
Tamacahut d tin yeṭṭfen amkan n tiliẓri n wass-a ahat xir acku tadukli-nni i ɣef tebnna tmacahut d tin i yuɣalen d iswi n yal tiliẓri deg umaḍal.

Ass-a zdat udabu yekksen izerfan-nneɣ, ur nessaweḍ ara ad nfares taẓuri akked yidles n tmacahut akken ad tt-nesnerni neɣ ad tt-id-nerr ɣer tenfalit, iḥunn kan rebbi llan yimyura-nneɣ i yettaεraḍen ad d-arun timucuha i d-slan yal wa amek akke i wid i d-iteddun.