Ass-a zrin tmanya urebεin iseggasen γef temlilit nni “accords d’evian” I d-yeḍran di 19 meγres 1962 ger yemḍebbren n tegrawla-nneγ d yemḍebbren n fransa. Agdud yumen, iγil d ayen ters-d talwit. Amzun d tidet , ad teğğuğǧeg tlelli, ad d-tili tegmat ger yemdanen. Maca, i yeḍran ara yeḍrun. Ayen ak γef innuγ wegdud Aqbayli, iruḥ am telda yečča yilef, am temzin-nni yeεlef weγyul.
D tidet, mazal ar ass-a, imḍebbren n tmurt tettun irgazen-nneɣ xersum wid n yidles, tettun ula d imeγṛasen, ur ten-d ittekkar lḥir akken a d-as nerren tajmilt, ɣas ula s wawal. Tmanya wrebɛin iseggasen aya tura i izrin ɣef tmenɣiwt n Mulud Ferɛun, ulac win it-d-ibedren, ala ɣer kra n tdukkliwin.
Taɛrabt-tineslemt d tiẓrakti iɤef bedden iwanaken n tmura n Tmazɤa, gar-asent Lezzayer, Lmerruk, Tunes, Libya, Murṭanya, … Sbedden leḥkem-nsen fell-as deg tmura-ya, seg wasmi d-wwint azarug-nsent deg yiseggasen n 1950/60, ɤas akken mačči di Tmazɤa i d-tlul teẓrakti-ya, ɤas akken mačči d at Tmazɤa i tt-id-yesnulfan.
Mi yesliɣ s yisem-im itwabder-d ad d-mektiɣ Taqbaylit. Tamețțut tamezwarut yuran ungalen s trumit. Isem-im ismektayi-d tamețțut n ccna, icewwiqen, d yizlan n tmurt n Yiqbayliyen.
TAMURT - Mi yesliγ s yisem-im itwabder-d ad d-mektiγ Taqbaylit. Tamețțut tamezwarut yuran ungalen s trumit. Isem-im ismektayi-d tamețțut n ccna, icewwiqen, d yizlan n tmurt n Yiqbayliyen. Tebdiḍ tira deg useggas n 1935. Turiḍ ayen tedreḍ seg asmi I telliḍ d tamezyant. Ayen akk turiḍ d tesleṭ γef lγerba teddreḍ . Ugar n waya tecniḍ ațas n yizlan I d-teṭṭeṭḍ deg izir n yemma-m Fadma At Mensur.
