Muḥend Igtulen aɛeggal n lɛerc Nat Jennad yettikkin deg tesqamut n umussu n leɛrac yemmeslayen ɣef tɣerɣert n Leqṣer akked uselway n lḥukuma, isuk tamuɣli di tdiwennit‑agi i d-newwi yid‑s ɣef wayen yeḍran di tefsut taberkant n 2001, am akken diɣ i d-yefka tiktiwin‑is ɣef tmurt n Yeqbayliyen n wass‑a d tin uzekka.
Llan kra ahat a d-inin acuɣer awal "Tazwawt" mačči "Taqbaylit"? Attan tririt: Seg wasmi i ɣriɣ yiwen n weḍris n dda Lmulud Mammeri aseggas n 1983 anida i yura "Imaziɣen Izwawen" d nekk lemmer ufiɣ ad ttuɣ awal-a "Aqbayli".
Dacu kan llan yad yeqqaren daɣen, awal-a yuɣal d ayla-nneɣ. Ihi nutni ad arun "Aqbayli", nekk ad aruɣ "Azwaw".
Ass-a, zrin aṭas n iseggasen ɣef tmenɣiwt-ik, maca wissen ma tettwanɣa tigzi-inek ? wissen ma twagezmen wassaɣen-nni i tgiḍ ger tusnakt, taɣamsa akked tmedyazt ? wissen ma mazal-it umeslay ɣef uṭṭunen d imagraden akked isefra-k ? S yiwet n tuttra : wissen ma teggugem tafat ?
Aṭas n Yeqbayliyen iwumi sliɣ qqaren “Tamurt-a (tamurt n Yeqbayliyen) tecbeḥ lemmer tesseččay aɣrum”. Aya d akellex, mačči d tidet. Wa d awal i d-iḍegger udabu, Iqbayliyen gren-as iɣallen wer ma faqen, dɣa uɣalen armi yumnen yes-s. Yebɣa ad ɣ-yessimen syes-s i wakken ad neggaǧ, ad nemcuyyar deg yal tamnaḍ n umaḍal, ad d-nelhu kan d weɣrum-nni, taqbaylit-nni ad tt-nettu. D wa kan i iceɣben adabu aεrab-ineslem. Ma yella d tidet tamurt ur tesseččay ara aɣrum, amek ihi i d-ddren Yeqbayliyen armi d tura?! Tili negren seg waṭas-aya. Ma yella ur tesεi ara nnfeε s tidet, d acu ara d-yawin Fransa ad tessentu tuccar-is deg wakal-nneɣ?! Σni d lxir i ɣ-tebɣa neɣ nɣaḍ-itt?!!
Iḍelli ɣer yiḍ, yiwen ilemẓi n temnaṭ-agi yexneq iman-is. Ar deqqal imi d-yuɣal seg twuri-ines s axxam ɣef lewhi n ṭam n yiḍ, yeffeɣ akken ad yeqqim deg tejmaɛt n taddart-is, maca ur d-yuɣal ara. Imawlan-is ssekren aqellab fell-as.
Am yal aseggas aka lawan-a, tafsut tattas-d teğğuğeg! D ussan ilhan I d-iteddun? Isekla ulin-ten wafriwen rran-d tili. Tiriwa n ibawen ulin-t d asawen,yal aεeqqa iğğa-d εecra. Iğeğğigen di yal amkan yuγ d nutni ,jemmen I tafukt d nnda. Tafsut tessifsus tudert I iγersiwen. Fγen-d akk si lγiran nnsen ad nadin učči anda ma yella. Igțaț talin tsubun, aseklu ittak-iten I wayed. Am arrac am tehdayin , irgazen akked tlawin ffγen- d , ad mmigren tafsut .
