Azal n tutlayt-nneɣ

3
524
Axxam Lqelaa A. Azwaw
Axxam Lqelaa A. Azwaw

(Tabrat sɣur Akli Azwaw) – Aɣbel-nneɣ yezmer ad yini yiwen d amur ameqqran deg tarwa n tmurt-nneɣ ur n umin ara nekni s Yezwawen d aɣref inella; ɣur-neɣ idles, amezruy d tutlayt am yal aɣref nniḍen. Aṭas n imezdaɣ n tmurt-nneɣ ur uminen ara tutlayt-nneɣ tezmer i tmusni, tezmer i tsertit, tezmer i yal taluft n tmeddurt n wass-a; tezmer ad tili d tutlayt n twuri (n lxudma).

Ar assa tutlayt-nneɣ mačči aṭas i tt-yettarun, i tt-yeqqaren. Annect-a ssebba-s tamezwarut d tasertit n udabu n tmurt n Dzayer id-yesqenṣeln ad yessenger tutlayt-nneɣ tazwawt/tamaziɣt.

D acu kan ula d nekni s yiman-nneɣ ar ass-a ur nettak ara azal i tuklal tutlayt-nneɣ akken nezmer. Ur neẓri ara d nettat i d tigejdit talemmast n yidles-nneɣ. D nettat i yizemren ad tesdakkel tarwa n tmurt-nneɣ.

Ula d yad i yessnen tira-s, yal tikkelt regglen ɣer tutlayin nniḍen, qqaren tawuri s tutlayt-nneɣ mačči ass-a. Yal tikklet ttafen-d ssebbat iwakken ur ttarun ara s tutlayt-nsen tayemmat.

Llan yad yeqqaren daɣen: Asmi ara nesɛu awanek, ass-nni a naru s tutlayt-nneɣ. Ayetmaten-a (tissetmatin-a) tettun belli tutlayt-nneɣ tezmer ad tenger war ma nessaweḍ a nesbedd kra n wass timanit neɣ awanek i tmurt-nneɣ.

Tarwa n tmurt-nneɣ am akken tennum tura ur tumin ara tutlayt-nneɣ tezmer i yal wayen iwumi zemrent tutlayin nniḍen.

Amek i yezmer weɣref ad yessali tamurt-is war tawuri s tutlayt tayemmat?

Akli Azwaw

3 COMMENTS

  1. amdan mbla illes am tejra mbla azar?d l’mut kkan itt yeggunin.llan kra n yeqvayliyen nwan belli d tutlayt taeravt del islam araten yawin gher el djenet.

  2. amdan mbla illes am tejra mbla azar?d l’mut kkan itt yeggunin.llan kra n yeqvayliyen nwan belli d tutlayt taeravt del islam araten yawin gher el djenet.

  3. amdan mbla illes am tejra mbla azar?d l’mut kkan itt yeggunin.llan kra n yeqvayliyen nwan belli d tutlayt taeravt del islam araten yawin gher el djenet.

Comments are closed.