Amizur (Bgayet): Imezdaɣ belɛen abrid

0

Iḍelli n tlata 27 deg waggur n maɣres, imezdaɣ n Acyu di Amizur belɛen abrid aɣelnaw yattawin seg Amizur ɣer Bgayet. Sebba n waya, bɣan ad d-seknen lɣiḍ-nnsen mgal imḍebren ur d-nelhi d iɣeblan-nnsen.

Ger iɣeblan i ten-iceɣben; d abrid-nnsen yenṭern nezzeh s ssebba n lexdma i d-yettilin din-a, imi imḍebren rran ad bnun tasdawit di tama-ayi, maca ayagi yegla-d s uhudu n webrid-agi. D ayen i yeǧǧan imezdaɣ n tama-ayi ad rfun.

Imesbaniyen-agi yesqerḥi-ten umeslay i d-yenna imḍebber wis-sin yellan ddaw n uqerru n tɣiwant n Amizur, ɣef ayen i d-yenna di Radyu: » nussa-d ad nqeɛd abrid, nufa-t ibelleɛ sɣur imezdaɣ ».

C.W