Ass agraɣlan n yibeddi ɣer yidis n Uzawad Ass n Sed 07 deg Yebrir 2012

0

Amennuɣ n Yimucaɣ d amennuɣ n yiseɣ, yuklal ad nbedd ɣer yidis-s, acku yessefk ad yessiweḍ. Nnig temsalt n wezref lan yegduden ɣer timunnent-nsen, azref terfed Tejmaɛt n Leǧnas Yedduklen (ONU), Imaziɣen uklalen ad idiren deg tlelli d yiseɣ, ad ssuffɣen tamharsa seg wakal-nsen. Deg Uzawad, awanek n Mali d awanek n tmeharsa. Ur ɣur-s azref ad yessers asaḍuf-is deg temnaḍt-a n ddunit i as-tefka Fransa d « Tarzeft ».

Imrigen n Mali s temsrifgin-is, s lbumbat id-tt-sseriḥent, yenɣan acḥal d ṛṛuḥ, ladɣa tilawin, imɣaren d warrac imecṭuḥen tbeggen-d tikkelt nniḍen d akken awanek n Mali d awanek n temharsa. Yessef ad yezri deg teɣdemt tagerɣlant ɣef leǧrimat i yexdem deg yimezdaɣ n Uzawad seg 1963 ar ass-a.

I wakken ad d-nbeggen lɣiḍ-nneɣ mgal n uwanek amharsi n Mali ɣef wayen akk i ixedem deg yimezdaɣ n Uzawad, seg tama, i wakken diɣen ad d-nbeggen ibeddi-nneɣ ɣer yidis n watmaten-nneɣ deg Uzawad, seg tama nniḍen, nekkni, Tamazgha akked Tdukli n Maṛṛikan Ugafa n Yibedi ɣer Yidis n Yimaziɣen (DMGBDM), nger-d tiɣri akken ad neg ass n 7 Yebrir 1012 d ass agerɣlan n yibedi ɣer yidis n watmaten-nneɣ Uzawad.

Tiɣri-nneɣ diɣen, d tiɣri n tegmat i akk tiddukliwin, imussuyen isertanen d Tefriqt Ugafa, deg Taruft akken ad ssudsen timliliyin, timesbaniyin neɣ ayen nniḍen i wass agerɣlan n tegmat d Uzawad, d yibeddi ɣer yidis-nsen deg umennuɣ ɣef tlelli-nsen.

Ma deg yella, tamurt n Mali tettkel ɣef tallelt n tumura tiǧiratin akked tmura n Utaram, Imucaɣ i yettnnaɣen ɣef tlelli d yiseɣ, zemren ad tteklen, taswiɛt-agi, ala fell-anneɣ nekkni s Yimaziɣen d wid akk yečča wul-nsen ɣef teɣdemt d tlelli. Dayemmi i yessefk ad bedden waṭas n Yimaziɣen ɣer tama Imucaɣ. Akken ahat amaḍal ad yegzu d akken Imucaɣ ur weḥed-sen i yellan, ttekkan deg yewet n temnaḍt meqqren deg ddunit iwumi qqaren Tamazɣa, i ibegsen ad terr tisfi i icenga-nnes.

Iyyaw ad nget s wass 7 Yebrir i d-iteddun d ass ideg ara nbedd am yiwen wergaz, akken ad d-nbeggen i yiman-nneɣ akked umaḍal meṛṛa d akken tamsalt Uzawad d tamsalt n Yimaziɣen akken ma yellan, amennuɣ-nsen, d amennuɣ-nneɣ, aql-aɣ ɣer yidis-nsen d umennuɣ-nsen.

{{Tudert i Uzawad ilelli !
I wakken ad yekfu ddel d temharsa d tukksiwin n sser deg Uzawad d tmura umaziɣ !
Ad teɣli tudert n ddaw uḍar d temharsa deg Tefriqt Ugafa d Uzawad !
Tudert i Tmazɣa!}}

Paris, 28 Fuṛaṛ 2012.

LEAVE A REPLY

Please enter your comment!
Please enter your name here