{{Ussan send Amenzu n Tefsut}}
Buεfif d yiwet seg leεwayed n tmurt n Leqbayel. Buεfif yettemcabi γer tmeγra n « Halloween » n Irumiyen. Ussan ineggura n tegrest, ad tennulfu yiwet n terbaεt n ilemẓiyen tin ara d-itezzin γef yakk taddart, tawwurt s tewwurt, ur tettağğa ula d yiwen n wexxam.
{{Anwa i yettilin deg Buεfif :}}
-Amγar (Abuεfif, Ameryus) win yettlusun aqric,
-Tabuεfift (Tameryust) ad iḥezzmen akk iman-is,
-Aberraḥ
-Wid yekkaten tajewwaqt d ubendayer
-Ilemẓiyen nniḍen
Tarbeεt-a mi ara d-taweḍ γer wemnar n wexxam, aberraḥ ad isuγ :
{{Aberraḥ}} : Kker ad yeskker Rebbi seεd-ik !
{{Ilmeẓyen}} : Wamin !
{{Aberraḥ}} : Ad aken-igg Rebbi am tεeqqayt n ččina, suffela tecbeḥ zdaxel terbeḥ !
{{Ilmeẓyen}} : Wamin !
{{Aberraḥ}} : Ad aken-igg Rebbi am tqermudin, wa ad yeddal wa !
{{Aberraḥ}} : A d-irr Rebbi lγiyyab bxir weεlaxir !
{{Aberraḥ}} : Ad aken-yekkes Rebbi seg lḥif !
{{Ilmeẓyen}} : Wamin !
{{Aberraḥ}} : Ldi tawwurt ad yeskker Rebbi seεd-ik
{{Ilmeẓyen}} : Wamin
{{Aberraḥ}} : A k-iḥrez Rebbi arraw-ik !
{{Ilmeẓyen}} : Wamin
{{Aberraḥ}} : Ad iceεceε Rebbi tafat-ik
{{Ilmeẓyen}} : Wamin !!!!
{{Ilmeẓyen}} (S ccna) :
Wa Ḥmami Wa Lmami
Ma d tamellalt ad tt-nawi
Attan deffir ukufi
Ad s-sserḥen s tjewaqqt d ubendayer, Ameryus d Tmeryust ad ceṭṭḥen, wiyeḍnin ad kkaten afus. Bab n wexxam a d-yeffeγ, a d-yawi yid-s kra (Timellalin, ččina, idrimen, lbaṭaṭa, acedluḥ…). Umbeεd Ameryus ad yeγli γer lqaεa, zeεma yesker. Ur d-yettaki ara alamma fkan-as ayen i d-yefka bab n wexxam ad t-yesriḥ. Sinakkin ad beddlen axxam nniḍen..
