Ger yiccer n timanit d weksum n lezzayer

3

Ma nezzi ɣer tmurt n yeqbayliyen, ttarran-d medden yiwen wawal akken xas ulamma deg teswiεin n ddiq kan, qqaren-d : Anda ma yettwet weqbayli, d gma-s.

I tura ma numen s wannect-a, d lεib fell-aɣ ad t-neǧǧ, dɣa ma ur numin ara yes-s, yessefk ad as-nerr akal.

Ass-a deg tmurt n yeqbayliyen, yewweḍ-d webrid n timanit i ḍefrent tmura ifazen, ad d‑naf s lferḥ tuget teḍfer deg allaɣ-is tifrat n timanit tettlwali-tt d asnefsusi n teεkemt n umennuɣ ur nkeffu; ur ikeffu wara axaṭar ibedd ɣef waɣlan azzayri, d ayen yessexlaḍen tilufa imi, yettuɣal-d wawal-a ɣer yeqbayliyen kan wamma wiyiḍ ṭṭfen deg tezzirit n yiwah. I

Ih ,d ihwah imi isem-is taεrabt nnekwa-s d tineslemt, d ayen imeḥḥun taqbaylit deg tmuɣli tamenzut akked iɣerfan-nniḍen (icawiyen,itergiyen,….).

Ihi ass-a yal wa yettalas, yal wa yettwalas, aɣref aqbayli yettalas azref amenzu i iseεεu wemdan seg mi ad d-ilal, azref n tudert.

Tudert n weɣref aqbayli,d tudert n igerrujen n tmurt n lezzayer yettalasen s timmad-is tudert s leǧwareḥ-is akken llan. Maca wissen anta tama n tmurt n yiqbayliyen deg tfekka n lezzayer?