Sidi Ɛic ( Bgayet) : Imezdaɣ n Rrmila belɛen abrid

0

Imezdaɣ n Rrmila i d-yezgan di tɣiwant n Sidi Ɛic, belɛen ass-a n letnayen 12 deg waggur n ctember abrid aɣelnaw wis-26 yettawin ger Bgayet d Sidi Ɛic.

Imezdaɣ-agi ran ad d-sseknen lɣiḍ-nsen mgal imḍebbren n luzin n lyajuṛ akked d wid ibennun lkazirna n iǧadarmiyen i d-yellan d sebba n uɣebbaṛ iḍurren imezdaɣ s waṭas. Aɣebbaṛ-agi yekka-d seg wedrar ansa i d-ɣazen akal s win xedmen lyajuṛ. Akal-agi s i d-xedmen lyajur d win i sebba n uɣebbar iɣumen abrid sexdamen imezdaɣ. Am akken i d-yewwi lmeḍra s waṭas i yimezdaɣ d isekkla akked wakal n tfellaḥt.

Imezdaɣ -agi, yuɣ lḥal cektan aṭas tikal i wid teɛna temsalt, maca tifrat ur d-tella ara. d ayen i yeǧǧan imesbaniyen-agi ad belɛen abrid , imi d wa i d ttawil aneggaru s ara ṣiwden ɣer wayen suturen.