TAMURT – Tura, hat-an i tteddu-d wayur n ṛemḍan (n laẓ). Iqbayliyen d teqbayliyin yeddan di tama n imnekem n waɛraben-imselmen, ttraju-t s lferḥ. Iqbayliyen d teqbayliyin-agi, umnen, umnenet d akken : « Sidi Rebbi yemlal d Nnbi Muḥemmed; yemmeslay as-id, iwweṣa-t-id akk amek ara yenhu lumma akken ad teddu deg abrid n Ṛebbi », akken qqaren.
Llan iqbayliyen d teqbayliyin umnen, s wul nsen; s tidett nsen, maca llan wiyaḍ, tabaɛen kan aɛraben-imselmen. Xas akken ḥettmen-asen tutlayt n taɛrabt, kksen asen tutlayt nsen taqbaylit neɣ tamaziɣt sumata; xas akken tterggimen-ten, nutni ur d-cliɛen ara, ur ten-d-terza yara lmaɛna. Teddun kan am iderɣalen, medlen allen nsen, qeflen imeẓẓuɣen-nsen. Asirem-nsen, mačči d tudert, mačči d ddunit agi deg nettidir, nutni ddan « d waɛraben imselemen n usekkak ». Mlalen ɣef yiwen yiswi : « mara d-sseqsi tberkan s wemger-ines, ur tt-ttugaden ara, acku nutni « amkan-nsen yeḍmen di ljennet n waɛraben imselmen.
Amkan-a, anagar nutni d waɛraben-imselmen ara ikecmen ɣer dinn. Wamag iqbayliyen nniḍen, xas d atmaten-nsen seg idammen, maca ad ferqen yid-sen. Qeblen ad cerken tudert d laxert, ur d-cliɛen ara, ur ten-d-terza yara lmaɛna akk, xas d imnekcem, xas d tarwa n Okba Ibn Nafa, n Banu Hilal, wicqa ! Ula d taẓalit nsen, ḥettmen deg-sen akken ad dɛeun, ad hedren, ad ẓallen s tutlayt n waɛraben, macci s tutlayt nsen (am iqbayliyen imasiḥen), acku qqaren-asen waɛraben : »d leḥram ad tt-thedrem ula di ljamaɛ ».
Nutni, iqbayliyen d teqbaylin-a umnen, qeblen seg ayen i sen-qqaren
waɛraben, acku awi-d kan ad ddun ɣer ljennet n « waɛraben inselmen n
usekkak ». Yernu, ula di ljennet-nsen, dinna ad heddren kan s taɛrabt,
acku ljennet nni n waɛraben, widak yeddan deg ubrid n Nnbi Muḥemmed.
Ass-a, « yewḥel weḥxlul di lɣiḍa », akken is-yenna Lwennas deg awal-is.
Iqbayliyen-agi akked d ljennet nsen d waɛraben, sellmen atmaten nsen,
tutlayt nsen, akal nsen. Iqbayliyen-agi inselmen (amur ameqran) ḥemlen
ad mmeslayen s tutlayt n waɛraben, cerken tagara-ya, nnesba yid-sen,
kerhen atmaten-nsen n idammen, kerhen tutlayt-nsen taqbaylit. Amer i
yufan ad ttilin d waɛraben, ad ttemlilin anagar d waɛraben, u ad
ssellen ḥaca i tdderǧit, taɛrabt n ubri.
Tarwa-nsen, sekrehen-asen kra i ten-iseqqraben ɣer tnaṣlit, ɣer
tnekkit-nsen. Kra i sen-nettmeslay d akken gma-k ig zwaren qbel
aberrani, maca iqbayliyen d teqbayliyin-agi yeddan d imnekcem, igin
aɣ-d-slen iw-usiwel nneɣ. Amek i d ixef ines ar tagara a tagmatt ?
Hand Berkouk
