TAMURT – « Yewweḍ-d yiḍes, yewweḍ-d naddam »
1) Tarusi yagi n naddam ɣer yemdanen, mara igen akken yiwen, am ticki yella cɣwel n ṛṛuḥ n lmalayek ara d-yersen ɣur-s akken ad at-id-ssersen, dɣa imiren ad yekcem deg-s akken ad t-yesgen. Segimir yegra-d akken deg awal : « ad ires naddam »,… »yers-d naddam ». Neɣ diɣen ar ticki d allummu neqqar diɣen: « yugi naddam ad d-yas ».
Neqqar diɣen : « yewwi fell-i iḍes », dagi diɣen iḍes neɣ : « naddam neɣ
tanafa tugi ad d-tṣubb », acku illa wacu i t-id-tyettɛekkiren akken ad
d-ires fell-ak ay amdan. Amedya, mara yebɣu yiwen ad t-id-yas naddam,
ilaq ayen meṛṛa ara t-isɣeflen ad t-id-yemmekti. kra n iɣeblan n
labudd ad ɣiben deg tallaɣt, ma ulac naddam nni ad tqurɛen iɣeblan nni
akken ur d-ittrus ara.
2) Illa diɣen lḥess, ẓẓwic, zzhir, asqerbeb, wigi akk sagaden,
sbiɛiden nadam akken ad d-ires.
Illa diɣen: « ittxatal-iyi-d naddam »
Dagi hatan dayen ig banen, naddam ibɣa maca d aseqreb i d-iseqrab
iman-is akken ad yaɣ amdan ig zedwen ɣef taɛrict neɣ tesga, upayas n
umetraḥ, atg,…
Axatel agi yak d agaber n tɣawsa ɣef kra, ittusemma mazal ulac laman
iɣesbi (complet).
3) Illa diɣen, neqqar : « yeṭṭef-iyi naddam ».
Dagi naddam yesɣfel bab-is qbel ma ad ifaq. Ur yuḥtam ara mi
it-yeṭṭef, acku s useɣfel is-d-yusa imi i t-id-ittxatal zgelli. Yernu
ayen yellan akk tzemreḍ ad tennaɣeḍ, ma d naddam mara k-iṭṭef, bɣu-t
neɣ agwi-t. Naddam yewɛar ma taɛyiḍ neɣ ur s-tefkiḍ ara akud
is-ilaqen. S trumit yeqqar-as ula d netta: « le sommeil m’a surpris ». (
taḍfirt ar tagara).
* (Mes notes que je considére comme utiles que je mets à la
disposition de tous les kabylophones ou amazighophones, si cela puisse
intereser l’ensemble des amazighs.
Hand Berkouk
