Akunsir n yedmaren yettnuɣ tilawin n Wizgan

2

Tiddukla tadelsant « Agraw n Tlawin n Wizgan » tga yiwet n temlilit iḍelli deg uxxam n yedles n Wizgan. Mgarawent akken ad gent ahil i useggas-a. Deg wahil-agi atas n leqdicat iɣef meslayent deg yal taɣult : almud, tazmert, idles …atg

Imi tameṭṭut deg tmetti taqbaylit, d nettat i d llsas, d nettat iɣef tbedd twacult aladɣa, Tilawin n Wizgan, deg umeslay-nsent sḥersent leqdic aṭas ɣef tezmert imi uṭṭunen inegura i d-yewḍen seg srabes n tezmert n Tizi Wezzu, tameṭṭut n Wizgan d nettat i yellan deg umkan amezwaru seg tid yettnuɣ akunsir n yedmaren. Aya yessekcem lḥir deg wulawen-nsent. Dɣa, taselwayt n tiddukla-yagi, Tamsiwt ḤAMUM Baya deg umeslay-is tesseḥres aṭas ɣef temliliyin ara d-yilin deg ussan i d-iteddun akked imejjayen akken ad seḥbibren, ad welhen tilawin ɣef tezmert-nsent.
Rnu ɣer wannect-a aṭas n leqdicat i yettrajun tiddukla deg useggas-agi. Ahil-nsent d amesbaɣur, d amerkanti.
Deg taggara rrant tajmilt i tlawin tiqbayliyin yakk anda ma llant, deg yal tamnaṭ.
 
Sɣur Tafzimt

2 COMMENTS

  1. azul

    Tumert-inu tzad imi γriγ aḍris-a. d ayen igerzen ayagi akk i d-sawjadent akka tlawin n Buzgan, sarameγ a d-yili ubeggen s leqdic deg wannar i kra n imeslayen agi akk i d-tenniḍ akka a Tafzimt ama γef temsirin neγ γef tezmert d yesdles. Buzgan txuṣ di yal aḥris, awi-d ukan ma tidukliwin yellan dinna imi gtent ad ssiwḍent ad xedment kra deg wannar.
    afud i kent-sarameγ xas be3deγ fell-akent maca ayen iḍerrun dinna iceγb-iyi.

    ayen mi zemreγ a t-xemedγ aqli yid-kent
    Nura

    • tanemmirt a Nur, leqdic ad d-yili s waṭas deg ussan i d-iteddun , abrid i d-tewwiḍ ad ten-kemmel a taɛziɛt ttkel fell-anteɣ.

LEAVE A REPLY

Please enter your comment!
Please enter your name here