Imneggfen

2

S kra yeddan

d imneggef

asmi

fell-aγ tengedwa

ẓemken

ayen din tagnit

Nemyuzzam s tammiwin

Γunzan-aγ

imi nedda

negla-d s ufud

i tmaziγt.

Snezγen yiffassen

imcumen

ayen akk nesεa d iseγ ,

nguggin igenwan

ahat fell-aγ

ttnegnigen

asmi i aγ-wwin

s asekraf

d allen kan i yesmiglizen

S kra yellan

d imserref

asmi

yid-neγ

tennuγna

wa yelha-d

d useknef

deg uftis di tẓegwa

abbuh !

igenni yessef

Nekni

s tarwa

n uzayaḍ

i wiyaḍ

nga iswi

nura

nennuγ

nessuli

alarmi i aγ-terreẓ tayet

tban-d tfawet

akkin i tfidi.

D imenfiyen

nennejla

ur nukir

ur nenγi

ntteddu

s tusmi.

Ddan yid-neγ

iγilifen

neṭṭḍen

am tbarda

am tlaba.

D inekrafen

di tallit

deg wakud

am deg waluḍ

nesseḥbubuḍ.

S kra yeḥlan

yelleḍ

s aseknaf

yecceḍ

D igejduren

d ihedman

attan tallit

a lxir inu.

Yal yiwen

i yiman-is

neddukel

ur nemyussan

yiwet n lḥara

ur nettemyekcam..

D inekrafen

deg yizen

di tallitin

yettazzalen

ger wussan

yenzan

yes-neγ glan.

D inekrafen

i yizilan

d tirinin

d tadliwin

n yiṭijen

i d-nettagem.

d arrac

iteddun

d abrid

gar-awen

ay arrac

iwumi jelqen temẓi

d arrac

yettaklen akud

yid-wen d abrid

ay arrac

yuker ufud

sɣur {{Mexluf Buɣareb}}