Tilawin deg wegraw n taddart (Tajmaɛt)

3
Ilemziyen deg yiḍ
Ilemziyen deg yiḍ

(Tabrat sɣur Akli Azwaw) Llan kra n yirgazen Izwawen ttzuxxun, qqaren: „Tilawin di tmurt-nneɣ ɣur-sent tilelli ur sɛint tlawin n waṭas n tmura-nniḍen. Amedya: Tilawin di tmurt-nneɣ ur teffrent ara udmawen-nsent s teɣennasin, sɛant izerfan i sɛan yirgazen.“

Ma yerzef yiwen ɣer tmurt-nneɣ, dinna ad yaf tidet yesbehdilen irgazen-nneɣ. Ladɣa deg wussan n wezɣal (anebdu) iberdan n tudrin deg yiḍ ččarayen d ilemẓiyen, teffɣen ttbuḥrayen, acku d azɣal aṭas deg yixxamen. Gar-asen ur yettaf ara yiwen tilemẓiyin. Deg kra n tudrin tezmer ahat ad tili tsuraft (exception).  Ula di leqhawi n tudrin-nneɣ ur yettaf ara yiwen tilawin.Tameṭṭut ur tzemmer ara ad teffeɣ anida i s-yehwa am urgaz.

Nekni s Yezwawen nettzuxxu s tugdut-nneɣ, yernu d tidet ɣur-neɣ tugdut ,uran fell-as ula d imusnawen iberraniyen. D acu kan deg wegraw n taddart (amḍiq n tsertit) ur ttilint ara tlawin. Ihi amek i tezmer ad tili tugdut war tilawin? Neɣ tella kra n taddart anida ttilint tlawin deg wegraw-is?

Tilawin yessefk ad ilint deg wegraw n yal taddart di tmurt-nneɣ. Ahat d nutenti ar‘ ad yefken tabɣest i yirgazen i wakken argaz tameṭṭut, ilemẓi tlilemẓit a nemyuṭṭaf afus deg ufus, a ncemmer iɣallen, anecrew tidi tura yakan ɣef tlelli, ɣef izerfan-nneɣ. Ɣiwelt, ɣiwelt! Atan iṭij iteddu ad yeɣli!

3 COMMENTS

  1. Azul, ixemmimen yellan assa ttqerriεen tilawin ad ttikkint deg ugraw n taddart, d widak n ddin s wigi i swayes teffeγ seg ugraw, acku zik tella tettikki, ma tettwaεzel s waya, yessefk ad yili ttawil nniḍen akken ad tili di tlelli am nettat am gma-s argaz, ad taγ amḍiq is di leqdic n taddart, ad tettewqadder s isuḍaf n tmurt, imi wid igenni tettwaḥqer yis-sen

  2. Azul, avrid nni yettawin ar tmetti tazwaw yettwareggel m’akken tefra lggira d urumi, imiren i gedlen kra yellan yettawi ar timuzγa, ssulin avrid ala i tmetti n taεravt-tineslemt, deg imir ar tura acḥal tsutwin i d-rebban deg iγervazen, deg leğwamaε, d widak ila yettzenniwen di tuddar d temdinin i wakken ad veddlen allaγen, a ten rren awk ad ddun d uvrid n tiεurevt, ihi, ma nra ad tuγal tezwawt d tilellit ad teg tasertit deg igrawen n taddart neγ di tmetti awk, issefk a nerẓ yir ansayen awk d uzaglu n weγmar i d-yersen af tuyat, af aya issefk aγ a neddukkek, ma neddukkel nezmer a nessali awanek Azwaw ar a d-yerren iseγ i γ-ittwakksen.

LEAVE A REPLY

Please enter your comment!
Please enter your name here