Timura timecṭaḥ yakk deg umaḍal

0

{{Palu}}: 306 km²

Palu tella teṭṭafar Tamnaṭ n Tegzirin tipasifikin i yesselḥaw udabu amarikani. Tura, tesεa 200 n tegzirin, i zedɣen 16 000 n lerwaḥ. Tewwi timunnent-is deg useggas 1994. D nettat d taεeggalt taneggarut yak deg Ugraw n Leǧnas Yeddukklen. Dacu kan, ar ass-a, mazal d Iwanken Yeddukklen i yesḥerbiben fell-as, d nutni daɣen i yesselḥawen tasertit taberranit.

{{Undur}}: 288 km².

Tamurt n Undur tettwaḥkem s sin iqerray: Aselway n Tegduda Tafransist akked urehban aspenyul n Urgel. Tewwi timunnent-is seg 1278 yakan. Tesεa 65 000 imezdaɣ. D Tamurt i d-qessden medden ɣef iddra n idurar-is i d-yezgan deg Pyrénées, ger Fransa akked Spanya.

{{Antiga d Barbuda}}: 274km².

Tamurt-a i d-yusan deg Karayib, i d-xedment kraḍ (03) n tegzirin. Γur-s 83 000 imezdaɣ. Tewwi timunnent-is sɣur Tagelda-Yeddukklen deg useggas n 1981. Tigzirin-is tetten aɣrum seg tmerrit, am tuget n tmura n Karayib.

{{Ibarbaden}} (Barbades): 266 km²

Azal n 260 000 n yemdanen i izedɣen tigzirt-a n Karayib. Tewwi timunnent-is sɣur Tagelda-Yeddukklen deg useggas n 1966.

{{St. Vincent d Grunadin}}: 240 km²

109 000 n yemdanen i izedɣen tigzirin-a n Karayib. Tagelda Yeddukklen tefka-yasent timunnent-nsent deg useggas 1979.

{{Grunad}} : 213 km²

D tamurt deg Karayib, imezdaɣ-is wwḍen 98 000. Teqreb ɣer Marikan Ugafa. Timunnent-is tewwi-tt deg 1974 sɣur Tagelda-Yeddukklen.

{{Malṭa}}: 195 km²

D tigzirt n 362 000 imezdaɣ. Tusa-d deg unẓul n Sisilya. Timunnent-is tewwi-tt deg useggas n 1964. Maca iserdasen igliziyen ur tt-ffiɣen ara almi d aseggas n 1979.

{{Imaldiviyen}} (Maldives): 184 km²

200 seg 2000 tegzirin n ugaraw ahendi i d-igan tamurt-a zedɣen-ten ala 181 000 n yimdanen. Tigzirin-a wwint timunnent-nsent sɣur Tagelda-Yeddukklen deg 1965

{{Seychelles}} : 171 km²

Tigzirin-a n ugaraw ahendi uɣalent d tilelliyin seg Tgelda Yeddukklen deg useggas 1976. Ass-a ɣur-sent 69 000 imezdaɣ.

{{St. Kitts d Nevis}}: 166 km²

Tamurt-a n Karayib, i zedɣen 41 000 n medden, tewwi timunnent-is sɣur Tagelda Yeddukklen deg 1983.

{{Tigzirin n Marshall}}: 112 km²

Tigzirin-a wwint timunnent-nsent deg 1986 sɣur Iwanken Yeddukklen. Imezdaɣ-is wwḍen ɣer 52 000 n yimdanen.

{{Liechtenstein}}: 100 km²

Tamurt-a tamecṭuḥt ɣur-s 30 000 imezdaɣ. Tezga-d ɣef yiri n Rhin, deg Alpes, ger Swis akked Luṭric.

{{San Marin}} : 28 km²

Tezga-d deg udrar Titano deg tlemmas n Ṭelyan. Γur-s 25 000 imezdaɣ. Tettzuxxu imi d nettat i d Awanek aqdim yakk deg Turuft, i d-ilulen deg tmiḍi tis-4.

{{Tuvalu}} : 14 km²

D tamurt i d-yemmugen s 09 tegzirin yeččuren d lmerǧan. Wwint tilelli-nsent sɣur Tagelda Yedduklen deg useggas 1978. Ass-a ɣur-sent 9 700 imezdaɣ.

{{Nuru}}: 13,6 km²

10 000 imezdaɣ n tegzirt-a n Pasifik tetten aɣrum seg lminat n zink. Nuru tewwi timunnent-is deg useggas n 1968.

{{Munaku}} : 2,2 km²

Tamurt n Munaku tusa-d sdat n Côte d’Azur n Franṣa. Γas akken mecṭuḥet, nnig n 30 000 n yimdanen i tt-izedɣen. Tetwassen s yixxamen-is n turart (Casino) akked tgeldunt-is. Munaku tuɣal d tilellit deg tmiḍi tis-13.

{{Vatican}}: 0,32 km²

D awanek amecṭuḥ yak deg umaḍal. Γur-s 770 imezdaɣ. D Vatican i d lqebla n n ddin amasiḥi akatulik. Yusa-d deg tlemmast n Roma, tamennaɣt n Ṭelyan.