Tubeṛ: aggur n ṭraḍ d zzlazel

0

Anwa ur necfi i wayen yeḍran deg aggur n ṭuber ? Ayen walan-t wallen d wayen slan imeẓẓuɣen d cituḥ.

Iɛsekriyen, iǧadarmiyen akked imsulta xedmen axeṣṣar deg yimdanen. u-yerna tixṣarin ḍeṛṛunt-d di ṭlam!

Γef aya, isem-agi i as-fkan i waggur n ṭuber yusa-d iwata. Anda-tt tidett yefren, anda-tt tlelli yettwarekḍen acḥal iseggasen-aya ? Di ṭuber i d-nnan d acu i asen-yeḍran… Mačči d ayen fessusen ! Di ṭuber ad naf ayen yuɣen agdud aqbayli yuɣ igduden-nniḍen seddaw ufus n udabu ameṣbaṭli. Aggur n ṭuber i s-mektay-d tiyitwin-nni, d tuksiwin n leqder d tecmatt ɣef wegdud i d-yekkren yenna-d:  » nebɣa tilelli ».

Ṭuber yesmektay-d tebrek n wulawen yemdanen yekkaten atmaten-nnsen s rrṣaṣ. Γef wid akk yettwanɣan, yettwerkḍen, yettewten asirem-nnsen ɣer tlelli. Asmekti-nnsen d aqaḍer i yisem-nnsen.