Tikli n weɣref aqbayli ɣer yimal

0

Alɣu n yesquma n inelmaden umussu n Timanit yessawel-d ɣer tikliwin di Yennayer imi “d ass n tmeɣra tagdudant n weɣref aqbayli d Yimaziɣen akken ma llan, ayagi seg tallit taqburt ngum talalit n Σisa.

Yiwen ur yewwiḍ ad yemḥu ansa-yagi ama d imnekcamen iberraniyen akken ma llan, wala awanek n Ledzayer dɣa i yettaεraḍen ad yekkes kra yellan d aẓar amaziɣ.

Amussu n Timanit ira ad yefk azal d yiseɣ i tmeɣra tagdudant yecban Yennayer ladɣa imi Butefliqa d terbeɛt-is gan tasertit i yettnadin ad tesfdeḍ kra n wayen icudden ɣer yedles n yeqbayliyen” i yenna welɣu.

“S tigiwin am ti, ara yaweḍ wegdud aqbayli a d-yessukes izerfan-is u ad yeḍfer abrid n tlelli.” Dɣa ass-a umenzu n yennayer, Amussu n Timanit i Tmurt n Yeqbayliyen yessufeɣ-d [alɣu unṣib->http://www.tamurt.info/sseqdec-tutlayt-ik-ay-aqvayli,089.html?lang=taq] i deg yessawal i weɣref aqbayli ad yesseqdec tutlayt taqbaylit di yal annaren n tmeddurt.

Tikliwin-a a d-ssiwlent ɣer:

* Timanit n Tmurt n Yeqbayliyen s tdukli d tegmat

* I weḥraz n tnekkit taqbaylit

* I talakt d tlelli n tikta di Tmurt n Yeqbayliyen

* Mgal rrebrab di tmurt n Yeqbayliyen

* Mgal aṣeḥres n teɣdemn n imeɣnasen iqbayliyen

Tikliwin ad ḍefrent iberdan agi:

{{Tizi Wezzu:}}

* Taseddawit Lmulud At Mɛemmer {{==>}} Taɣiwant taqburt

* Ass umenzu (12) yennayer 2010

* Γef 10:30

{{Vgayet :}}
* Taraga uzemmur {{==>}} Axxam n twilayt

* Ass umenzu (12) yennayer 2010

* Γef 10:30